احلى ناس

منتدى لكل الاحباء فهو يغنيك عن كل المنتديات فتجد فية ما تحتاجة لانة منتدى حب والحوار ومناقشات حل المشاكل العاطفية؟ بتحب ؟ ... بتحبى ؟ ... طب فيه ايه ؟ ... ماتدخلوا عبر عن مشاعرك واحساسك نحو حبيبك حبيبتك


    أضحك ببلاش

    شاطر
    avatar
    lovely Dream
    أحــلــــــــــ ناس ـــــــــــــــى
    أحــلــــــــــ ناس ـــــــــــــــى

    ذكر
    عدد الرسائل : 186
    العمر : 31
    الدولة : من اجمل مكان فى العالم
    علم دولتك :
    المهنه :
    رقم عضويتى : 1
    تاريخ التسجيل : 21/09/2008

    أضحك ببلاش

    مُساهمة من طرف lovely Dream في الإثنين 13 أكتوبر 2008 - 15:12


    ( اضحك ببلاش )


    المكان : أحد أحياء القاهرة
    الزمان : يوم من أيام صيف عام 2052
    الشخصيات : حفيدة في سن المراهقة (12 سنوات) تجلس مع جدتها (70 سنة)



    الحوار:

    الحفيدة: تيته ميرو إزيك..بقى لي زمان ما قعدتش معاكي

    الجدة:
    وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

    الحفيدة: ومابتفتحيش الدش ليه يا تيته

    الجدة:
    التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

    الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !

    الجدة :
    يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا

    الحفيدة : أيوه بس مش حاسة إنك مخنوقة وانتي لابساه؟

    الجدة: أبداً
    ده هو ده اللبس المحتشم اللي مفروض الكل يلبسه ويحافظ عليه..فين أيام زمان
    لما كنا نلبس البادي اللي مبين البطن والظهر بس، مع البنطلون السترتش
    الجلد …كانت حاجة آخر روشنة


    الحفيدة : ياه يا تيته.. ده انتوا كان ليكم تقاليد غريبة خالص !

    الجدة :
    وهو
    انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا
    .. فين أيام سنة 2002، هي الواحدة فينا كانت تستجري تشرب سيجارة البانجو
    ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما
    تتعدلش .. أمال إيه .. كان فيه حاجة اسمها أخلاق

    الحفيدة: معقول يا تيته؟ للدرجة الفظيعة دي!!؟

    الجدة:
    أمال
    انتي فاكرة إيه .. وبعدين كانت الست من دول ما تلبسش اللبس الخليع بتاع
    اليومين دول..يعني الجيبة كان ما يقلش طولها عن شبر وربع .. وكانوا الستات
    يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

    الحفيدة : يا خبر .. وإيه كمان ياتيته

    الجدة:
    ح
    أقول لك إيه ولا إيه يعني خدي عندك مثلاً .. زمان كنا نسمع الطرب الأصيل
    لمطربين حقيقيين زي مصطفى قمر وعمرو دياب وطبعاً كانت سيدة الغناء
    "شاكيرا"، وكانت الأغنية مدتها أكثر من دقيقتين متواصلين من الطرب الأصيل
    والموسيقى الهادية الراسية اللي تعمر النافوخ بصحيح كانوا مطربين روشين
    وآخر طحن، حسبي الله ونعم الوكيل!

    الحفيدة : وبعدين ياتيته

    الجدة :
    وبعدين
    كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم
    عن دلوقتي، يا سلام لما كنا نحطها في الووكمان ونعلقها في حزام البنطلون
    كده ونمشي في الشارع كده، كانت أيام جميلة. حسبي الله ونعم الوكيل!

    الحفيدة :
    حكاويكى ممتعة قوي يا تيته .. ثانية واحدة بس لما أصحي سمسم صاحبي فى
    المدرسة لأنه بايت معايا في الأودة من امبارح ..أصل الإنسان الآلي بتاع
    الصحيان بايظ ولازم نصلحه النهاردة



    نال



    (بعد عدة دقائق)

    الحفيدة:
    هيه يا تيته.. وبعدين

    الجدة :
    أحلى أيام بقى كانت أيام الدراسة، الفصل كان على أيامنا رايق وعدد
    التلاميذ فيه ما يزيدش عن ستين سبعين تلميذة، وكنا ساعتها بنعرف نفهم
    الدرس كويس مش زي دلوقتي، وكانت الشوارع أيامها فاضية يعني كانت إشارة
    المرور تقعد ساعة إلا ربع بس لأن مصر كلها كان تعدادها 70 مليون مش أكثر،
    تخيلي بقى الروقان اللي كنا فيه؟ حسبي الله ونعم الوكيل!

    الحفيدة
    : 70 مليون بس؟!!

    الجدة :
    أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما
    يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز
    جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه
    بس..وكان الدولار بخمسة جنيه بس تخيلي بقى؟

    الحفيدة :
    ما هو علشان كده الجواز على أيامكم كان سهل خالص، إحنا بقى خلصنا من العُقد دي

    الجدة :
    أُمال إيه .. ده احنا الواحدة مننا كانت بمجرد ما توصل سن 17 سنة تبتدي
    تفكر في الجواز العرفى على طول، وما كانش عندنا الأفكار الغريبة اللي
    بتعملوها دلوقتي، أنا شخصياً شايفة إن ده أوفر شوية، ده احنا يا بنتي على
    أيامنا كان لا يمكن البنت تتأخر بره البيت عن الساعة أربعة صباحاً، طب ده
    باباها كان ممكن ساعتها يخاصمها !

    الحفيدة :
    ياي! ده انتوا كنتوا متزمتين خالص ياتيته !!!

    الجدة :
    يا بنتي إحنا اتربينا على الأخلاق والفضيلة والعادات والتقاليد . يعنى كان
    أهل الفن محتشمين جداً وكانوا دايماً يطلعوا بالمايوهات البيكيني،
    والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ
    ـه الله يرحم دي أيام.. فكرتيني بالذي مضى حبي الله ونعم الوكيل!

    (تمسك الجدة بتليفون محمول في حجم علبة الكبريت)

    الحفيدة : ح تكلمي مين يا تيته

    الجدة :
    الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

    الحفيدة: (تنهض من مكانها) تشاو سي يو تيته!

    الجدة:
    سي يو

    وبعد مرور عدة ساعات انتابت الجدة خلالها غيبوبة بسبب الشيخوخة

    و في المساء دار هذا الحوار بين الجدة والحفيدة:

    الجدة:
    إنتي كنتي فين يا فتفت؟

    الحفيدة :أصل إحنا أخدنا الولد من الحضانة ..

    الجدة :
    ولد !! ولد إيه اللي أخدتوه من الحضانة؟

    الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

    الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

    الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت

    الجدة :
    مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

    الحفيدة : سميناه (دوت كوم) ..

    الجدة :
    نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

    الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)

    الجدة: وأخدتوه من الحضانة وديتوه فين بقى؟

    الحفيدة : وديناه النادي الصهيوني بتاع الحي

    الجدة :
    النادي الصهيوني بتاع الحي؟

    الحفيدة :
    أيوه
    .. ده نادي جميل معمول برعاية كبار رجال الأعمال .. وتحت رعاية وزارة
    الزراعة وده بيعلم الأطفال حاجات ظريفة خالص ومصاريفه رخيصة جداً وبعدين
    الولد الكويس ممكن يبعتوه يكمل تعليمه في إسرائيل على نفقة وزارة الزراعة
    أصل (ميدو يوسف والي) وزير الزراعة ده راجل متفتح قوي. هه، أفتح لك
    التليفزيون يا تيته عشان تشوفي نشرة الأخبار

    الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

    المذيعة : هاي شلة! إليكم عناوين الأخبار

    - أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان

    - واشنطن تتهم ليبيا بتفجير سفينة فضاء فوق كوكب المريخ

    - وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة

    - موافقة مجلس الشعب أخيرا على خصخصة معبد الكرنك

    (أخبار عربية ):

    - زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل

    - سيريلانكا والفلبين تطرد خمسة آلاف خادمة كويتية

    - إسرائيل ترفض الإنسحاب من البصرة إلا بعد ضمان أمن مستوطناتها في بغداد

    - اشتباكات على الحدود الإسرائيلية المغربية

    (أخبار الفن )

    - زفاف المطربة صباح على حفيد الفنان الراحل راغب علامة

    -
    رئيس قطاع الإنتاج لم يستقر بعد على بطلة فوازير رمضان ويعقد إجتماع مع
    السيدة توتي محمد صفوت الشريف وزيرة الإعلام الجديدة لمناقشة هذه القضية

    - الفنان محمد هنيدي يهاجم نجوم الكوميديا الجدد

    المذيعة: فينيش باي

    الجدة: لأ بقى حسبي الله ونعم الوكيل فيكم فعلا! (يغمى عليها)

    الحفيدة :
    تيته..تيته
    !!
    avatar
    همس الحب
    احلــــى نــاس
    احلــــى نــاس

    انثى
    عدد الرسائل : 45
    العمر : 21
    الدولة : alex
    تاريخ التسجيل : 26/09/2008

    رد: أضحك ببلاش

    مُساهمة من طرف همس الحب في الخميس 16 أكتوبر 2008 - 1:20

    [size=18]هههههههههههههههههههههههههههههههههههههههههههه

    طيب لما مش بتلبس بدى ولا جيبه شبرين
    امال هتلبس ايييييييييييه
    ههههههههههههههههههههههههههههه
    قشطه عليك بجد يا مصطفى جامد اوى
    بس لعلمك انا بردوا شفت حجات كتير كده
    بس بتبقى قصص مختلفه
    سنه 50012
    هههههههههههههه[/size]هههه
    avatar
    سكون الظلام
    احــلى ناس
    احــلى ناس

    انثى
    عدد الرسائل : 98
    العمر : 29
    الدولة : مصر
    تاريخ التسجيل : 24/09/2008

    رد: أضحك ببلاش

    مُساهمة من طرف سكون الظلام في الأربعاء 22 أكتوبر 2008 - 17:31

    هههههههههههههههههههههههههههههه
    حلو اوى المستقبل لما يكون كدة كله هيهيص

    tota amma
    احلــــى نــاس
    احلــــى نــاس

    انثى
    عدد الرسائل : 43
    العمر : 22
    الدولة : eygpt
    تاريخ التسجيل : 30/09/2008

    رد: أضحك ببلاش

    مُساهمة من طرف tota amma في الأربعاء 22 أكتوبر 2008 - 23:02

    ههههههههههههههههه
    جامدة اوى النكتة دى
    avatar
    كريم طنطاوى
    احــلى ناس
    احــلى ناس

    ذكر
    عدد الرسائل : 1
    العمر : 30
    الدولة : الاسكندريه
    تاريخ التسجيل : 27/10/2008

    رد: أضحك ببلاش

    مُساهمة من طرف كريم طنطاوى في الإثنين 27 أكتوبر 2008 - 21:56

    اميرسى على الاضافه ثم ان الموضوع احلى ما يكون

    soparman
    احلى نـاس
    احلى نـاس

    ذكر
    عدد الرسائل : 7
    العمر : 29
    الدولة : مصر
    تاريخ التسجيل : 09/10/2008

    رد: أضحك ببلاش

    مُساهمة من طرف soparman في الثلاثاء 28 أكتوبر 2008 - 15:14



    يعينى عليك يادرش بفكر لبعيد

    بسانشاءالله لن يكون

    تقبل تحياتى
    avatar
    امز
    احــلى ناس
    احــلى ناس

    انثى
    عدد الرسائل : 14
    العمر : 32
    الدولة : مصر
    تاريخ التسجيل : 06/11/2008

    رد: أضحك ببلاش

    مُساهمة من طرف امز في الجمعة 7 نوفمبر 2008 - 22:53

    يا جماعة ما احنا لازم نعزرهم عشان ساعتها الجو هيكون حر جدا alien
    وبعدين ظروف الجواز هتكون أصعب
    هىهىهىهىهىهىهى
    جامدة يا درش
    avatar
    ZIZO
    أحلى ناس
    أحلى  ناس

    ذكر
    عدد الرسائل : 22
    العمر : 30
    الدولة : الإسكندرية
    تاريخ التسجيل : 23/09/2008

    رد: أضحك ببلاش

    مُساهمة من طرف ZIZO في الأربعاء 12 نوفمبر 2008 - 21:56

    هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهااهاهاهاموضوع جااااااااامد طحن يا تيفا   بس ماقولتليش   تيتة  مرتبطة ولا لا  ؟؟؟؟؟؟؟؟

      الوقت/التاريخ الآن هو الأربعاء 13 ديسمبر 2017 - 8:25