الرئيسية
طول عمري أسمع عن التوبة عن الذنوب والمعاصي..
لكن عن الكلام، ده «انفراد» جديد لمصر..
حضرتك مش لاقي رغيف العيش وتقف بالساعات في الطوابير ومرتبك مش مكفيك يومين..
لكن كلمة الحق تتقال.. أعطوك ٣٠% زيادة.. شكلك مش عاجبك الكلام..
عشان تاني يوم زودوا الأسعار.. معلش.. بتقول إيه؟! التعليم؟؟ ده التعليم مجاني..
مين قالك تدي لولادك دروس خصوصية.. كده مش فاهمين وكده مش فاهمين وعلي القهوة قاعدين.
كمان بتشتكي من الصحة؟! ده المستشفيات والخدمة علي أعلي مستوي..إنت اللي مهمل..
خلاصة الكلام وأحلي الكلام: اللي يقول رأيه يتحبس بسبب حرية الرأي
، وخريجي الجامعات والمدارس مش فاهمين بسبب مستوي التعليم العالي،
والشعب عنده أمراض الدنيا بسبب مستوي الخدمة الصحية العالية..
معروف أنه لا يجتمع الضدان في شيء واحد لكن إحنا بخيبتنا ـ قصدي بشطارتنا -
جمعناهم عقبال ما نجمع العرب.
لو لقيتوا كل دا يبقى انت اكيد من مصر
