الحب من طرف واحد

المرادى ياجماعة
انا عايزة اتكلم عن اصعب حب وهو الحب من طرف
واحد تخيل لو انك قبلت انسان وحسيت ان هو دا اللى انت بتدور علية
او هى دى كل المواصفات اللى تتمناها فى شريكك
فى حبيبك من غير حتى متسال او تحاول تعرف ان كان بيبدلك نفس الشعور
او مرتبط بحد تانى وبيحبة ومش مستعد يتنازل عنة .وفجاءة تعرف انك بالنسبالة
مش اكتر من اخ او صديق بيقدر حبك لية بس ميقدرش
يبدلك شعورك الجميل هتعمل اية? هتنسحب ولا هتستمر فى حبك
لية ?ولو عكسنا الموضوع لو حسيت ان فى انسان بيحبك
وكل تصرفاتة تدل على انة بيحبك بس انت مرتبط او مش قادر
تبدلة احساسة دا هتعمل اية ?هتبعدو عنك ولا هتستغل حبة ليك تقرب منة
وتوعدو وتعشمة وانت متاكد انك مش بتحبة وعمرك ماهتحبة
وبعدين تسيبة مهزوم مكسور ومخدوع فى حبيبة وساعتها
يكون صدق خالد عجاج لما قال ( اصعب حب لما تلاقى
اللى انت تحبة مبيحبكش واما تحس مهما عيونك تنطق
قلبة مبيحسكش تبدء تضعف يمكن يعرف تبدء توهب يبدء
يخطف فجاءة تحس ان اللى انت وقعت فى حبة ميستهلكش)
اكيد مش هكتب الاغنية كلها انتو طبعا عارفينها طيب هتعمل اية ؟انت وضميرك بقا انا مستنية الرد